Այսօր վաղ առավոտից Եղվարդի՝ անտուն մնացած բնակիչները կառավարության դիմաց բողոքի ակցիա են կազմակերպել:
Նրանք նշել են, որ Գուրգեն անունով մի տղամարդ 3 օր առաջ գնել է իրենց տան տարածքը և իրենց ծեծելով դուրս հանել տանից:
Բնակիչներն արդեն 3 օր է երեխաների հետ միասին քնում են կառավարության շենքի դիմաց:
«Վարչապետի օգնականը մեզ ասաց, արեք վարձ տամ գնացեք, ապրեք: Դրանից հետո ասաց՝ դուք բոլորդ էլ աշխատում եք գնացեք աշխատեք: Ես 55 հազար փող եմ ստանում, 50 հազար նպաստ, դրանով էս 5 երեխային ո՞նց պահեմ»,- ասում է բնակիչներից մեկը:
Եղվարդցիները պահանջում են հանդիպում ՀՀ վարչապետ Նիկոլ Փաշինյանի հետ: Հաղորդում է shantnews.am-ը: