Սեպտեմբերի 13-ին Բնապահպանության և ընդերքի տեսչական մարմինը տեղեկացրել է, որ Երևան քաղաքում շինարարական հրապարակներում կատարվող աշխատանքների ընթացքում փոշու արտանետումները, շինհրապարակներից դուրս տարածվելը կանխարգելելու նպատակով Բնապահպանության և ընդերքի տեսչական մարմնի Երևանի տարածքային բաժնի աշխատակիցների կողմից օգոստոս ամսվա ընթացքում 9 ընկերությունում իրականացված ստուգման արդյունքում արձանագրվել են «Մթնոլորտային օդի պահպանության մասին» ՀՀ օրենքի պահանջների մի շարք խախտումներ։
«Հիմնականում ընկերությունները շինարարության ընթացքում չեն պարսպապատել շինարարական հրապարակները, իսկ ներքուստ և արտաքուստ վերանորոգվող շենքերը և շինությունները չեն ծածկել շինարարությանը համապատասխան բարձրության անթափանց թաղանթով։ Օրվա ընթացքում պարբերաբար չեն ջրել շինարարական հրապարակները։ Սորուն նյութերը (ավազ, գաջ, ցեմենտ) չեն պահեստավորել փակ տարածքներում կամ ծածկել անթափանց թաղանթներով:
- 30 դեպքով հաշվարկվել է շրջակա միջավայրին հասցված 40,3 մլն դրամի վնաս․ ԲԸՏՄ
- ԲԸՏՄ-ն ստուգումների արդյունքով վարչական տուգանքներ է նշանակել
Յուրաքանչյուր կազմակերպության նկատմամբ նշանակվել է 150.000-ական ՀՀ դրամի չափով վարչական տույժ»,- ասվում է հաղորդագրության մեջ։
