ՉԼ-ի 1/4-րդ եզրափակիչ ՊՍԺ – «Բավարիա» հանդիպումից հետո խաղը մեկնաբանել է ֆրանսիական ակումբի գլխավոր մարզիչ Մաուրիսիո Պոչետինոն։
«Մենք ծայրաստիճան կենտրոնացած էինք: Իսկապես կոշտ հանդիպում էր:
Ես շատ ուրախ եմ իմ խաղացողների համար, նրանք արժանի են լավ խոսքերի։ Կիսաեզրափակիչ դուրս գալը զարմանալի իրադարձություն է բոլորիս համար:
Դժվար է վայելել խաղը, երբ խաղադաշտի եզրին ես, բայց ես փորձում եմ դա անել: Ամեն անգամ դրսից թվում է, թե ես հանգիստ եմ պահում ինձ, բայց իմ ներսում ամեն ինչ խառնվում է: Սա այն ադրենալինն է, որը բոլորն այդքան շատ են սիրում:
Այսօր մենք տեսանք ֆանտաստիկ հանդիպում», – Պոչետինոյի խոսքերը մեջբերում է UEFA-ի պաշտոնական կայքը: