fbpx
Աշխարհ

23:04 11/7/2019

Զելենսկին ու Պուտինը առաջին հեռախոսազրույցն են ունեցել

ՌԴ նախագահ Վլադիմիր Պուտինը առաջին հեռախոսազրույցն է ունեցել Ուկրաինայի նախագահ Վլադիմիր Զելենսկու հետ: Այս մասին հաղորդում է Ռիա Նովոստին՝ հղում անելով ՌԴ մամուլի խոսնակ Դմիտրի Պեսկովին:

Պեսկովի խոսքով՝ զրույցը կայացել է ուկրաինական կողմի նախաձեռնությամբ, որի ընթացքում քննարկվել են Ուկրաինայի հարավարևելյան շրջանում, Դոնբասում իրավիճակի կարգավորման մասին հարցեր, ինչպես նաև հակամարտող 2 կողմերում պահվող անձանց վերադարձնելուն ուղղված համատեղ ջանքերին առնչվող հարցեր:

Ուկրաինայի նախագահի լրատվական ծառայությունից էլ հայտնել են, որ հեռախոսազրույցի առանցքային թեման գերեվարված զինվորական նավաստիների ազատ արձակումն է եղել:

 

Վերեվ