fbpx
Աշխարհ
21:00 27/09/2019

Զելենսկու հետ զրույցից տեղեկատվություն տրամադրողը մոտ է լրտեսությանը․ Թրամփ

ԱՄՆ նախագահ Դոնալդ Թրամփն ասել է, որ մարդը, որը տեղեկատվություն է տրամադրել անանուն իրազեկչին Ուկրաինայի նախագահ Վլադիմիր Զելենսկու հետ իր զրույցի առիթով, «մոտ է լրտեսությանը»։

Թրամփի մեկնաբանությունները մի քանի դեմոկրատների դրդել են զգուշացնել նախագահին «վկաներին վախեցնելուց», տեղեկացնում է AP-ը։

Թրամփը նշել է, որ իրազեկիչն անմիջականորեն չի իմացել նախագահի կողմից պաշտոնեական դիրքի ենթադրյալ չարաշահման մասին։

«Ո՞վ է այն մարդը, որը իրազեկչին տեղեկատվություն է փոխանցել։ Որովհետև սրանից լրտեսության հոտ է գալիս»,- ասել է Թրամփը,- գիտե՞ք, թե ինչ էինք անում առաջներում, երբ խելացի էինք, ճի՞շտ է։ Լրտեսներ և դավաճանություն։ Մենք վարժվել էինք դրա հետ մի փոքր այլ կերպ վարվել, քան այժմ»։ Թրամփի մեկնաբանությունները հրապարակել է The Los Angeles Times-ը։

Պաշտոնական բողոքում, որը փոխանցվել է հետախուզական ծառայության գլխավոր տեսչին, իրազեկիչն ասել է, որ «նկարագրված իրադարձությունների մեծ մասի ուղղակի վկան չի եղել», բայց տեղեկատվությունն ստացել է ԱՄՆ կառավարության բազմաթիվ պաշտոնատար անձանցից, որոնք հաստատում են, որ Թրամփը «օգտագործում է իշխանությունը, որպեսզի հասնի օտարերկրյա պետության միջամտությանը ԱՄՆ 2020 թվականի ընտրություններին»։

Իրազեկիչը համարել է, որ գործընկերների հաշվետվություններն արժանի են վստահության, որովհետև «գրեթե բոլոր դեպքերում բազմաթիվ պաշտոնատար անձինք պատմել են փաստերի մասին, որոնք համապատասխանել են մեկը մյուսին»։

Զելենսկու հետ այս տարվա հուլիսին հեռախոսազրույցի ընթացքում Թրամփը կոչ է արել օգնել հետաքննել դեմոկրատների քաղաքական մրցակից Ջո Բայդենի և նրա որդու՝ Հանթերի գործը, նրանց մեղադրելով կոռուպցիայի մեջ։ Թրամփը հավաստիացնում է, որ խոսակցությունը «միանգամայն իդեալական» է եղել, և նա ոչ մի վատ բան չի արել։

Սեպտեմբերի 25-ին ՄԱԿ ԳՎ միջանցքներում Թրամփի հետ հանդիպման ընթացքում Զելենսկին ասել է, որ «ոչ ոք իր վրա ճնշում չի գործադրել»՝ նշելով, որ Ուկրաինան մտադիր չէ միջամտել ամերիկյան ընտրություններին։

Այս սկանդալի ֆոնին ԱՄՆ Կոնգրեսում սկսվել է Թրամփի իմփիչմենթի ընթացակարգը։

Աղբյուրը՝ news.am

ՎԵՐՋԻՆ ԼՈւՐԵՐ

Վերեվ