Քաղաքականություն

Պետք է զերծ մնանք քարոզչական մոլորություններից․ Քամալյան

Գագիկ Քամալյանը Facebook-ի իր էջում գրել է․

«Եկեք մեզ համար հենց այս պահից ֆիքսենք, որ պատերազմի հաղթականությունը բնական է չի կարող լինել Բաքվի կապիտուլացիան, որ հետագայում զերծ մնանք քարոզչական մոլորություններից, հատկապես, երբ արդեն շրջանառության մեջ են դրել Շահումյանն ու Գետաշենը գրավելու մասին խոսակցությունները, դա հենց այնպես չի արվել, և ես համոզված եմ, որ հրադադարից անմիջապես հետո, սկսվելու է հաղթական պատերազմի խեղաթյուրման քարոզչությունը, այսինքն կրկին երևան է նետվելու հետևյալ խոսակցությունները. գրավում էինք, Նիկոլը չթողեց, մտնում էինք Շահումյան, հետ դարձրեցին, Բաքվում չայ էինք խմելու, չթողեցին, ևայսպես շարունակ։

Սա ամենակարևոր անցումային փուլն է, և անհրաժեշտ է հանրությանը զերծ պահել նման քարոզչական տրյուկներից, և ՀՀ ցանկացած քաղաքացի պետք է հասկանա, որ սա միայն տարածքի պատերազմ չէր, սրա հիմքում լուրջ աշխարհաքաղաքական խմորումներ կար, այսինքն այս պատերազմի հաղթականությունը պետք է դիտարկել հենց այս համատեքստում։

Ես չգիտեմ հիմա ինչպիսի բանակցություններ են ընթանում, բայց այս միջանկյալ փուլի համար պետք է ֆիքսնենք, որ ՀՀ զինված ուժերը տարել են քաղաքական հաղթանակ, մնացածը դիվանգիտության տիրույթի ու քաղաքական իշխանության գործառույթն է։

Այնպես որ, ինչպես վերևում նշեցի, չպետք է թույլ տանք պարտվողականության քարոզ»։

ՎԵՐՋԻՆ ԼՈւՐԵՐ

ՎԵՐԵՎ