Ադրբեջանի կողմից խաղաղ բնակչությանը թիրախավորելու հետևանքով հոկտեմբերի 12-ի դրությամբ Արցախում առնվազն 31 մարդ է զոհվել: Այս մասին Twitter-ի իր միկրոբլոգում գրել է Արցախի մարդու իրավունքների պաշտպան Արտակ Բեգլարյանը:
«Վերջին օրերի ընթացքում հիվանդանոցում մահացել է 3 խաղաղ բնակիչ,- գրել է Բեգլարյանը:
Արցախի ՄԻՊ-ը հայտնել է, որ նոր տեղեկությունների համաձայն՝ նախորդ օրերի ադրբեջանական հարվածների արդյունքում սպանվել էր ևս երեք քաղաքացիական անձ:
Արտակ Բեգլարյանը «Արմենպրես»-ին հայտնել է, որ զոհվածներից մեկը եղել է Զագլիկ գյուղում, մյուսը Մարտակերտ քաղաքի մոտ, երրորդն էլ Ստեփանակերտում:
«Նրանք տարբեր օրերի են զոհվել, ուղղակի տեղեկությունը մենք նոր ենք կարողացել ճշգրտել: Զոհվել են հրետակոծության կամ հրթիռակոծության արդյունքում»,- հայտնեց Բեգլարյանը:
Այսպիսով, Արցախում քաղաքացիական բնակչության շրջանում զոհերի թիվը կազմում է առնվազն 31:
Արտակ Բեգլարյանը նշեց, որ զոհերի անունները կհրապարակվեն ավելի ուշ:
Հայաստանի Հանրապետության տարածքի թիրախավորումը խլել է ևս չորս մարդու կյանք:
On the recent days 3 wounded civilians have died at hospital. Also my staff today was informed on 3 new unreported civilian deaths who were killed by #Azerbaijan.
So, the overall civilian casualties is now at least 31 in #Artsakh/#Karabakh, we'll publish the updated names later.— Artak Beglaryan | #StopArtsakhGenocide (@Artak_Beglaryan) October 12, 2020
