Ախալքալաքի զորամասում ծառայող 19-ամյա Սարգիս Սահակյանը մահացել է ստամոքսի խոցի վիրահատությունից հետո։
Այս մասին գրում է Jnews-ը։
Սարգիսը Ջավախքի Փոկա գյուղից էր։
Նա վիրահատության է ենթարկվել նոյեմբերի 11-ին ու դուրս է գրվել հիվանդանոցից նոյեմբերի 16-ին։ Հաջորդ օրը բժիշկները նրան պահանջել են վերադառնալ հիվանդանոց, իսկ արդեն մյուս օրը՝ նոյեմբերի 18-ին, հիվանդանոցից զանգահարել են Սարգիսի ընտանիքի անդամներին և հայտնել, որ նա մահացել է։
Մահացած զինծառայողի հարազատներն ու համագյուղացիները պարզաբանում են պահանջում մահվան դեպքի հետ կապված։
Նշվում է, որ փորձագետ Դավիթ Մերաբիշվիլիի խոսքով՝ մահվան պատճառը հայտնի կդառնա միայն մեկ ամիս անց։