Ապրիլի 4-ի կառավարության նիստի ընթացքում ՀՀ վարչապետը նաև հետաքրքրվեց, թե ինչ պատճառով են ուշանում քաղաքացիների նպաստները:
Աշխատանքի և սոցիալական հարցերի նախարար Զարուհի Բաթոյանը նշեց, որ պատճառը գերատեսչությունների տեխնիկական գործընթացի հետ է կապված:
Վարչապետի հարցին, թե արդյո՞ք խնդիրը լուծվել է, նախարարն ասաց, որ կա տեխնիկական հրահանգների և պատրաստվածության խնդիր:
«Այս պահի դրությամբ լուծվել է հարցը, բացման օրվանից, մարտի 29-ին բացվել է, այդ օրվանից 10 օրվա ընթացքում «Հայփոստը» պետք է տրամադրի, սկսվել է, բայց մենք խնդիր ունենք տեխնիկական, այս անգամ ապահովել ենք թղթային տեղեկանքների միջոցով, բայց հաջորդ ամիս տեխնիկական միջոցները պետք է ապահովենք, որ խնդիր չունենանք», – ասաց Բաթոյանը:
Վարչապետի այն հարցին, թե արդյո՞ք երաշխավորում եք, որ ուշացումներ չեն լինի, նախարարը հստակ պատասխան չտվեց և նշեց.
«Դրանք տեխնիկական են, տեխնիկական ապահովվածությունը մեր ոլորտում չէ, քարտերի և էլ ստորագրության մասով պետք է ապահովված լինեն բոլոր տարածքները, 55-ն են դրանք»:
Ֆինանսների նախարար Ատոմ Ջանջուղազյանը, անդրադառնալով խնդրին, նշեց.
«2017թ. մայիսին կառավարությունը որոշում է ընդունել, որով սահմանել է էլեկտրոնային ստորագրությունների կարգը, որով հաստատել է, որ դրանք վավեր կլինեն ԷԿԵՆԳ-ի կողմից թողած հավաստագրերի դեպքում, մյուս դեպքում չեն ունենա վավերականւթյուն, մենք ունեցել ենք ժամանակ, ինչո՞ւ է համընկել մարտի վերջին ու սրվել հիմա, որովհետև մինչ այդ պահը օգտագործվել են ֆինանսների նախարարության կողմից թողարկված հավաստագրերը: Ժամկետը համընկել է»:
Նա հայտարարեց, որ որպեսզի կարողանային դա անել, նախապես խնդրել էին գործընկերներին ապահովել էլեկտրոնային ստորագրությունների վավեր հավաստագրերը, 10 հզր օգտատերերից 3000-ն է դա արել:
Խոսքը վերաբերում է գանձապետարանում հաշիվներ ունեցողներին, դրանք սոցծառայություններն են, պետական մարմինները, ՊՈԱԿ-ները, ովքեր ապահովում են մատակարարումը, հաշիվը կառավարվում է էլեկտրոնային եղանակով, պարզաբանել է նախարարը:
Փաշինյանը հարցրեց, թե ինչու հրահանգը չի կատարվել:
«Իրենց վերադաս մարմինը մազպետարանն է, տվյալ պարագայում վճարումները տեխնիկապես մարզպետարանն է իրականացնում, մենք խնդիր ունենք այդ մասը ապահովելու»,- ասել է Զարուհի Բաթոյանը:
Տարածքային կառավարման և զարգացման նախարար Սուրեն Պապիկյանը հայտնել է, որ մինչ օրս իրենք ներգրավված չենք եղել խնդրում, բայց կներգրավվեն:
Փաշինյանը հանձնարարեց.