Վրաստանի նախկին նախագահ եւ Ուկրաինայի Օդեսայի մարզի նախկին նահանգապետ Միխեիլ Սահակաշվիլին հայտարարել է, որ մտադիր է ապրիլի 1-ին ժամանել Ուկրաինա, որովհետև վստահ է, որ նախագահ Պյոտր Պորոշենկոն չի անցնի նախագահական ընտրությունների երկրորդ փուլ, ուստի ոչ ոք չի խանգարի իր՝ երկիր մտնելուն:
«2019 թվականի ապրիլի 1-ին ես պատրաստվում եմ վայրէջք կատարել «Բորիսպոլում» (Կիևի օդանավակայան)… Ես այդ տոմսը վերցրել եմ, որովհետեւ վստահ եմ, որ Պորոշենկոն չի անցնի երկրորդ փուլ… և հենց որ նա չանցնի երկրորդ փուլ, ես ավելի քան վստահ եմ, որ ոչ մի սահմանապահ չի ցանկանա կատարել ինձ Ուկրաինա չթողնելու նրա հրամանագիրը»,-հայտարարել է Սահակաշվիլին լրագրող Դմիտրի Գորդոնին տված հարցազրույցում: Սահակաշվիլին նաև գնված տոմսը ցուցադրել է սմարթֆոնով։ Այս հաղորդել է ՌԻԱ Նովոստին: