ՀՀ արտակարգ իրավիճակների նախարարությունը հայտնում է, որ հոկտեմբերի 23-ին, ժամը 10։52-ին Սյունիքի մարզային ճգնաժամային կառավարման կենտրոն ահազանգ է ստացվել, որ Սիսիան-Գորհայք ավտոճանապարհին տեղի է ունեցել ՃՏՊ։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Սիսիան-Երևան ավտոճանապարհի 37-րդ կմ-ին «Renault Megane» մակնիշի ավտոմեքենան (վարորդ՝ Ջիվան Հ․, ծնված 1956 թ․) դուրս է եկել ճանապարհի երթևկելի հատվածից և կողաշրջվել։ Ուղևոր Շուշան Պ․-ն (ծնված 1989 թ․) տեղում մահացել է, որի դին տեղափոխվել է Սիսիանի ԲԿ։
Մինչ փրկարարների՝ կանչի վայր հասնելն ուղևոր Գուրգեն Պ․-ն (ծնված 1993 թ․) ևս տեղափոխվել է Սիսիանի ԲԿ, որտեղ նրա առողջական վիճակը բժիշկները գնահատել են միջին ծանրության։
Փրկարարները հոսանքազրկել են ավտոմեքենան։
