Փետրվարի 24-ից մինչ այս պահը Ուկրաինան լքել է ավելի քան 3 միլիոն մարդ։
Այս մասին հայտնել են ՄԱԿ-ի փախստականների հարցերով գրասենյակից։
Նշվել է նաև կանխատեսումների մասին, ըստ որի՝ մինչև մարտի վերջ այդ թիվը կհասնի 4 միլիոնի, իսկ առաջիկա ամիսներին՝ մինչև 7 միլիոնի։
Ըստ աղբյուրի՝ փախստականների մեծ մասը (1,8 միլիոն մարդ) տեղափոխվել է Լեհաստան, որտեղից հայտարարել են, որ փախստականների համար տեղերը սպառվել են։