Չինաստանի հնադարյա դամբարաններից մեկում հնագետները «անմահության ըմպելիք» են հայտնաբերել: Այն մոտ 3.5 լիտր է: Ըմպելիքը հայտնաբերվել է բրոնզե մի անոթի մեջ` հայտնի Հան դինաստիայի ընտանիքներից մեկին պատկանող դամբարանում: Հան դինաստիան ապրել է Ք.ծ.ա. 200-ական թվականներին:
Սկզբում հնագետները մտածել են, թե գտածոն ալկոհոլային խմիչք է, քանի որ ալկոհոլի բհոտ են զգացել: Սակայն լաբորատոր ստուգումները պարզել են, որ հեղուկը կազմված է հիմնականում կալիումի նիտրատից և ալունիտից, որոնցից, ըստ դաոսյան գրությունների, այն ժամանակ պատրաստվել է այսպես կոչվող «անմահության կենսանյութը»: