Ռայան Քուգլերը հաստատեց, որ իր հաջորդ ֆիլմը կլինի «Սև հովազ 3»-ը, ինչը նշանավորում է Marvel-ի այս հաջողված ֆիլմաշարի նոր շրջափուլը։ Չեդվիկ Բոուզմանի մահից հինգ տարի անց, Վականդայի աշխարհը պատրաստվում է հաջորդ գլխին՝ միաժամանակ արժևորելով դերասանի թողած ժառանգությունը։ Քուգլերի խոսքերով, իր համար դժվար էր շարունակել ֆիլմաշարը Բոուզմանի բացակայությամբ, քանի որ նրա կորուստը մեծ ազդեցություն էր թողել ոչ միայն իր վրա, այլև ամբողջ թիմի վրա։ «Սև հովազ․ Վականդան հավերժ» ֆիլմը դարձավ հիշատակի և հարգանքի խորհրդանիշ, որտեղ Շուրին՝ Լետիշա Ռայթի մարմնավորմամբ, ստանձնեց Սև հովազի դերը։
Բոուզմանի դերակատարումը որպես Թ’Չալա, Marvel-ի պատմության մեջ առանձնահատուկ տեղ գրավեց՝ հանդիսանալով ուժի, արժանապատվության և մշակութային ինքնության խորհրդանիշ։ Նրա մահը համաշխարհային կինոաշխարհի համար մեծ կորուստ էր։ «Սև հովազ 3»-ի ստեղծումը դարձել է թիմի համար կարևոր քայլ՝ թե՛ հարգանքի տուրք մատուցելու, թե՛ նոր գաղափարներ զարգացնելու նպատակով։ Քուգլերի և դերասանական կազմի համար սա ոչ միայն ֆիլմի շարունակություն է, այլ նաև պատասխանատվություն՝ պահպանել Բոուզմանի թողած արժեքները։
Marvel-ի այս նոր գլուխը խոստանում է լինելի նաև սոցիալական նշանակություն ունեցող, քանի որ ֆիլմը անդրադառնում է առաջնորդության, դիմացկունության և մշակութային հպարտության թեմաներին՝ ընդգծելով, որ Բոուզմանի ժառանգությունը շարունակվում է ոչ միայն կինոյում, այլ նաև իրական կյանքում։