Մխիթարյան. Օգնում ենք Գենդուզիին խորհուրդներով

«Արսենալի» և Հայաստանի ազգային հավաքականի կիսապաշտպան Հենրիխ Մխիթարյանը գովեստի խոսքեր է հղել «զինագործների» կիսապաշտպան Մատեո Գենդուզիի հասցեին:

30-ամյա ֆուտբոլիստը հույս է հայտնել, որ 19-ամյա ֆուտբոլիստը քրտնաջան աշխատանքի դեպքում կարող է դառնալ աշխարհի լավագույն կիսապաշտպաններից մեկը:

«Գենդուզին 19 տարեկան է, նա պետք է մտածի ֆուտբոլի մասին:

Ոչ բոլորն են այդ տարիքում Ֆրանսիայից տեղափոխվում «Արսենալ»: Կարծում եմ, որ նա մեծ տաղանդ ունի:
Նրան օգնում ենք խորհուրդներով` նշելով, որ քրտնաջան աշխատանքի դեպքում նա կարող է դառնալ աշխարհի լավագույն ֆուտբոլիստներից մեկը:

Երիտասարդ տարիքում միշտ էլ դժվար է նոր երկիր տեղափոխվել և հարմարվել նոր մշակույթի: Քեզ ժամանակ է հարկավոր` նոր թիմակիցներին և մարդկանց մտածելակերպին հարմարվելու համար:

Հիմա նա անգլերեն է սովորում: Բոլորս օգնում ենք նրան: Նա դեռ ամեն ինչ չէ, որ հասկանում է, սակայն նա փորձում է: Նրա մոտ ամեն ինչ կստացվի»,- հայ ֆուտբոլիստի խոսքն է մեջբերում Metro-ն` հղում անելով COPA 90-ը:

Հաղորդում է armsport.am-ը։