Հունիսի 2-ին, ժամը 21.26-ին, ոստիկանության Կենտրոնական բաժին հաղորդում էր ստացվել, որ Հյուսիսային պողոտայում գտնվող գրասենյակից գողություն է կատարվել:
Մեկնած օպերատիվ խմբին ընկերության տնօրենը հաղորդում էր տվել, որ նույն օրը, ժամը 18.35-ին, անհայտ անձը տեխնիկական միջոցների գործադրմամբ դռան փականը բացելով՝ Հյուսիսային պողոտայում գտնվող բիզնես-կենտրոնի մի գրասենյակի աշխատասեղանից գողացել է «Լենովո» տեսակի 2 դյուրակիր համակարգիչ:
Ոստիկանության ծառայողները, իրացնելով օպերատիվ տվյալները, պարզել են, որ գողությունը կատարել է 16-ամյա մի պատանի, ում հունիսի 4-ին, ժամը 20.00-ին, Բուզանդի փողոցից, գողություն կատարելու կասկածանքով, բերման են ենթարկել ոստիկանության Կենտրոնական բաժին:
Պատանին տվել է խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր:
Այս մասին տեղեկանում ենք ՀՀ ոստիկանության պաշտոնական կայքից։
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ԽՈՐՀՈւՐԴ Է ՏՐՎՈւՄ ԿԱՐԴԱԼ
