Ադրբեջանի մարդու իրավունքների հանձնակատարը Ազգային կանխարգելման մեխանիզմի շրջանակներում մշտադիտարկել է ձերբակալվածների իրավունքների ապահովման վիճակը։
Ինչպես APA-ին հայտնել են ՄԻՊ գրասենյակից, այցերի շրջանակներում խիստ կոնֆիդենցիալ պայմաններում հանդիպում է կայացել ԼՂ նախագահի խորհրդական, հատուկ հանձնարարությունների գծով ներկայացուցիչ Դավիթ Բաբայանի հետ:
Այցի ընթացքում, որը տեղի է ունեցել 2023 թվականի հոկտեմբերի 3-ին, Դավիթ Բաբայանին օմբուդսմենն անհատապես լսել է, ուսումնասիրվել են նրա պահման և բուժման պայմանները, օրենքով նախատեսված իրավունքների ապահովման վիճակը։
Նրա դիմումներին արձագանքել են տեղում։
Հաղորդվում է, որ Բաբայանին տրամադրել են ակնոց, գրադարանի և տեղեկատվության հասանելիություն։
Դավիթ Բաբայանը հայտնել է, որ կալանքի պայմանների հետ կապված բողոքներ չունի և նշել, որ հաստատություն ընդունվելուն պես բուժզննում է անցել։
Բաբայանին իր իրավունքները պաշտպանելու համար տրամադրվել է փաստաբան։
Այցի ընթացքում, որում ընդգրկված են եղել նաև Օմբուդսմենի կանխարգելիչ ազգային թիմի բժիշկները և հոգեբանները, բաբայանին հայերենով ներկայացվել է Ադրբեջանի օրենսդրությունը, տրվել օմբուդսմենի հետ կապվելու հնարավորությունը բացատրող բրոշյուրներ:
