ՀՀ ԱԳՆ-ն հույս ունի, որ Բելգիայի խորհրդարանը կճշտի իր դիրքորոշումը Հայոց ցեղասպանության ժխտման քրեականացման հարցում։ Այս մասին ասել է Հայաստանի ԱԳՆ մամուլի քարտուղար Աննա Նաղդալյանը մայիսի 21-ի ճեպազրույցում։
Հարց է հնչել Բելգիայի խորհրդարանի կողմից ցեղասպանությունների ժխտման քրեականացման մասին օրենքի ընդունման վերաբերյալ, որում, սակայն, Հայոց ցեղասպանությունն անտեսվել է։
«Ցեղասպանության փաստի միջազգային ճանաչման ուղղությամբ կատարվող աշխատանքի կողքին անհրաժեշտ է համալիր պայքար ժխտման փորձերի դեմ։ Դրան հատուկ հրատապություն են հաղորդում թուրքական կողմի շարունակական հայտարարությունները,-պատասխանել է Աննա ՆԱղդալյանը։
«Հույս ունենք, որ Բելգիան կճշտի իր դիրքորոշումը Ցեղասպանության ժխտման քրեականացման հարցում»,- ամփոփել է Աննա Նաղդալյանը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
