Առողջապահության համաշխարհային կազմակերպության ներկայացուցիչները տեղեկացնում են, որ կորոնավիրուսը տարածվում է արագ և 10 անգամ ավելի վտանգավոր է, քան 2009թ․ գրիպի համավարակը։
ԱՀԿ-ն ևս մեկ անգամ աշխարհի երկրներին զգուշացրել է, որ համաճարակի շրջանակներում սահմանափակման միջոցները չափազանց արագ չեղարկեն։
Ժնևի գլխավոր գրասենյակում մամուլի ասուլիսի ժամանակ ԱՀԿ գլխավոր տնօրեն Թեդրոս Գեբրեեսդուսը հայտարարել է․
«Այն դեպքում, երբ Covid-19-ի տարածումն արագանում է շատ սրընթաց, դանդաղեցման տեմպերը զգալի ցածր են։ Այլ խոսքերով ասած՝ դեպի ներքև ուղին ավելի դանդաղ է, քան դեպի վերև ուղին։ Դա նշանակում է, որ սահմանափակման միջոցառումները պետք է չեղարկվեն դանդաղ եւ հսկողության ներքո։ Դա չի կարելի միանգամից անել»:
ԱՀԿ գլխավոր տնօրեն Թեդրոս Գեբրեեսդուսը ընդգծել է, որ վերահսկման միջոցառումները կարելի է չեղարկել միայն, եթե ձեռնարկվեն հասարակական առողջապահության պատշաճ միջոցառումներ, այդ թվում՝ շփումներին հետեւելու նշանակալի հնարավորություններ։
Աղբյուրը՝ CNBC․