Այսօր Ազգային ժողովի արտահերթ նիստի ընթացքում երկրորդ ընթերցմամբ և ամբողջությամբ ընդունվեց «Հանրային ծառայության մասին» ՀՀ օրենքում փոփոխություն կատարելու վերաբերյալ նախագիծը:
Կողմ քվեարկեց 98 պատգամավոր: Դեմ ձայներ չկային:
Նշնենք, որ 2018 թվականին պետք է ստեղծվեր Կոռուպցիայի կանխարգելման հանձնաժողով: Ինչ-ինչ պատճառներով հանձնաժողովը չի ստեղծվել, հետևաբար խնդիրներ են առաջացել գույքի և եկամուտների հայտարարագրման հարցերում։ Բարձրաստիճան պաշտոնատար անձանց էթիկայի հանձնաժողովն իրավասու չէ ընդունել պաշտոնատար անձանց և նրանց ընտանիքների կողմից ներկայացված հայտարարագրերը:
Խնդիրը կարգավորելու համար Արդարադատության նախարարությունն առաջարկում է երկարաձգել օրենքի կարգավորումների ժամկետները։