Հունիսի 25-ին Ազգային ժողովի նիստում իշխանական պատգամավորներից մեկի նախագիծը, որին կառավարությունը բացասական էր արձագանքել, արժանացավ և՛ ընդդիմության, և՛ իշխանության կողմ ձայներին: Նախագիծն ընդունվեց 104 կողմ, 1 ձեռնպահ ձայներով։
Այն առաջարկել էր Արտակ Մանուկյանը: Ըստ օրինագծի՝ հարկային գաղտնիքների ցանկից հանվում են այնպիսի տեղեկություններ, որոնք, ըստ էության, գաղտնիության կարիք չունեն, և որոնց բաց լինելը օգտակար է լինելու հետաքննողների, հետաքննող լրագրության տեսանկյունից։
Այլևս գաղտնիք չեն լինի․
հայտարարագրված աշխատողների թվաքանակի վերաբերյալ տեղեկատվությունը,
վճարված հարկերի և տուրքերի վերաբերյալ տեղեկատվությունը,
հարկային համակարգի վերաբերյալ տեղեկատվությունը։