Նիկարագուայի ներկայիս նախագահ Դանիել Օրտեգան, ով առաջիկա ընտրություններին կրկին առաջադրվել է որպես նախագահի թեկնածու, ոչ ժողովրդավար, բռնապետական գործողություններ է կիրառում՝ պայմանավորված ընտրություններում պարտվելու վախով։
Այս մասին հայտարարել է ԱՄՆ պետքարտուղար Էնթոնի Բլինքենը։
Բանն այն է, որ Օրտեգան հրահանգել է Նիկարագուայի Գերագույն ընտրական խորհրդին՝ ընդդիմադիր թեկնածուի առաջադրած «Քաղաքացիները հանուն ազատության» կուսակցությանը զրկել իրավաբանական անձի կարգավիճակից։
Ելնելով այս հանգամանքից, Միացյալ Նահանգներն օրինական չի համարում Նիկարագուայում անցկացվելիք ընտրությունները։
Նշենք, որ Օրտեգան կառավարում է երկիրը 2007 թվականից ու այս ընտրություններում հաղթելու դեպքում նա կգնա իր 4-րդ անընդմեջ ժամկետին։
