ԱՄՆ-ի Չիկագո քաղաքի հիվանդանոցներից մեկում բժիշկները հաջողությամբ փոխպատվաստել են երիտասարդ կնոջ թոքերը, որոնք ախտահարվել էին կորոնավիրուսի պատճառով:
Ինչպես փոխանցում է CNN-ը, Northwestern Memorial Hospital հիվանդանոցից հայտնել են, որ ԱՄՆ-ում նմանատիպ վիրահատություն առաջին անգամ է արվել՝ կորոնավիրուսով վարակված հիվանդի մոտ:
Նշվում է, որ կորոնավիրուսով վարակված կինը, ով 6 շաբաթ անցկացրել է վերակենդանացման բաժանմունքում՝ թոքերի արհեստական շնչառական սարքին միացված վիճակով:
Բժիշկների խոսքով՝ կինը պարբերաբար թեստավորվել է, և երբ նրա կորոնավիրուսի թեստի պատասխանը բացասական է եղել, վերջինիս պատրաստել են վիրահատության:
Հունիսի սկզբին արդեն կնոջ թոքերի վնասվածության աստիճանը գնահատվել է անվերականգնելի՝ պայմանավորված կորոնավիրուսային հիվանդությամբ:
Բժիշկներն այժմ ուսումնասիրում են, թե ինչպես կարող է նման արագությամբ, այդքան երիտասարդ տարիքում առողջ կնոջ թոքերն ամբողջովին վնասվել կորոնավիրուսի պատճառով:
