ՀՀ ԱԺ Հայաստան-Իրան բարեկամական խմբի ղեկավար Գևորգ Պապոյանը, խմբի անդամներ Մարիամ Պողոսյանը, Նարեկ Բաբայանը և Ռուստամ Բաքոյանը հունիսի 16-ին Իրանում հանդիպել են ԻԻՀ Մեջլիսի Իրան-Հայաստան բարեկամական խմբի անդամների հետ:
Կողմերը բարձր են գնահատել երկու պետությունների բարեկամական հարաբերությունները, որոնք հարյուրավոր տարիների պատմություն ունեն և կառուցվել են փոխվստահության ու փոխադարձ հարգանքի հիման վրա:
Պատգամավորները համոզմունք են հայտնել, որ նման հանդիպումներն ու փոխայցերը նպաստում են տարբեր ոլորտներում հայ-իրանական բարեկամական հարաբերությունների խորացմանն ու ընդլայնմանը:
Ընդգծվել է Իրանի իշխանությունների և ժողովրդի ջերմ վերաբերմունքը հայ համայնքի նկատմամբ, նշվել, որ հայերն ակտիվ դերակատարություն ունեն երկրի հասարակական-քաղաքական, մշակութային կյանքում:
Անդրադարձ է եղել հետպատերազմյան իրավիճակին, մի շարք հումանիտար խնդիրների լուծման կարևորությանը, տարածաշրջանում խաղաղության և կայունության հաստատմանն ուղղված ջանքերին:
Քննարկվել են երկկողմ տնտեսական հարաբերությունների զարգացմանը, գյուղատնտեսության, էներգետիկայի և մի շարք այլ ոլորտներում համագործակցության ընդլայնմանը վերաբերող հարցեր:
Զրուցակիցներն ընդգծել են Կապանում Իրանի գլխավոր հյուպատոսության հիմնման կարևորությունը, ինչպես նաև Թավրիզում՝ Հայաստանի գլխավոր հյուպատոսություն բացելու անհրաժեշտությունը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
