Հակակոռուպցիոն դատարանը վարույթ է ընդունել ՀՀ գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը: Հայտարարության համաձայն, գլխավոր դատախազությունը պահանջում է բռնագանձել ՀՀ կրթության և գիտության նախկին նախարար Լևոն Հովհաննեսի Մկրտչյանից և նրան փոխկապակցված անձանցից 35 գույք, այդ թվում՝ 26 անշարժ գույք, 7 տրանսպորտային միջոց և 5 իրավաբանական անձանցում մասնակցություն: Բացի այդ, պահանջվում է 893 միլիոն 449 հազար դրամ՝ որպես ապօրինի դրամական միջոցների մնացորդ, ինչպես նաև 276 միլիոն 106 հազար դրամ, որը չի հիմնավորվում անձի օրինական եկամուտներով:
Լևոն Մկրտչյանը, ով Հայ Յեղափոխական Դաշնակցություն կուսակցության անդամ է, զբաղեցրել է ՀՀ կրթության և գիտության նախարարի պաշտոնը մի քանի անգամ՝ 1998-1999, 2001-2003, 2006-2008 և 2016-2018 թվականներին: Նա նաև եղել է ՀՀ վարչապետի խորհրդական և ՀՀ ԱԳ նախարարի տեղակալ: