2026 թվականի փետրվարի 6-ին ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանն ընդունել է Ղազախստանի դեսպան Բոլատ Իմանբաևի գլխավորած պատվիրակությանը: Հանդիպման ընթացքում քննարկվել են Հայաստան-Ղազախստան ուղիղ ավիաչվերթների վերականգնման հարցերը, ինչպես նաև նոր ավիաընկերությունների հետ համագործակցության հնարավորությունները։ Արմեն Սիմոնյանը կարևորել է երկու երկրների միջև խորացող գործընկերային կապերը, նշելով, որ ուղիղ չվերթերի վերականգնումը կնպաստի զբոսաշրջության զարգացմանը և տնտեսական կապերի ամրապնդմանը։
Հանդիպման ընթացքում կողմերը նաև քննարկել են երկկողմ հետաքրքրություն ներկայացնող այլ հարցեր, որոնք կարող են նպաստել երկու երկրների միջև առևտրային և մշակութային փոխգործակցության զարգացմանը։ Կողմերը պայմանավորվել են շարունակել քննարկումները և գտնել արդյունավետ լուծումներ, որոնք կնպաստեն ավիափոխադրումների ոլորտի զարգացմանը։