Արցախի Հանրապետության նախկին և ներկա մարդու իրավունքների պաշտպաններ Արտակ Բեգլարյանն ու Գեղամ Ստեփանյանը համատեղ նամակ են ուղարկել ԱՄՆ փոխնախագահ Վենսին՝ ուշադրություն հրավիրելով ոչ միայն պատանդների խնդրի, այլ նաև անհայտ կորած անձանց ճակատագրերի պարզման հարցի վրա։ Նամակում նրանք շեշտում են, որ հարյուրավոր հայ ընտանիքներ, որոնց հարազատներն անհետացել են ադրբեջանական ագրեսիաների ժամանակ, շարունակում են մնալ տանջալից անորոշության մեջ։ Անհայտ կորածների հարցում Բաքվի կողմից համագործակցության բացակայությունը լուրջ խնդիր է, որը խախտում է մարդու հիմնարար իրավունքները։
Նամակում ընդգծվում է, որ կայուն խաղաղություն չի կարող կառուցվել անհայտ կորածների ճակատագրերի հիմքի վրա։ ԱՄՆ վարչակազմը կոչ է անում ստանձնել առաջամարտիկի դեր, ստեղծել չեզոք մեխանիզմներ, ապահովել թափանցիկություն և համագործակցություն ադրբեջանական կողմի հետ։ Նամակը նաև ընդգծում է, որ անհայտ կորածների ճակատագրերի հստակեցումը պետք է դիտարկվի որպես տարածաշրջանային նախագծերի իրականացման անհրաժեշտ պայման։ Այս հարցերի լուծումը կարևոր է, որպեսզի հայ ժողովուրդը հավատա խաղաղության օրակարգին։