Արքայազն Հարրին կնոջ՝ Մեգան Մարքլի հետ հանդիպել է տատի՝ Մեծ Բրիտանիայի թագուհի Եղիսաբեթ II-ի հետ։ Հանդիպումը տեղի է ունեցել առաջին անգամ այն բանից հետո, երբ 2 տարի առաջ նրանք սկանդալային հարցազրույց տվեցին թագավորական ընտանիքում ռասիզմի մասին։ Այս մասին հայտնում է The Telegraph պարբերականը։
Հարրին 2021 թվականին եկել էր Մեծ Բրիտանիա՝ պապի՝ արքայազն Ֆիլիպի հուղարկավորությանը, սակայն եղել էր առանց կնոջ։
Ընդգծվում է, որ զույգն այցելել է Վինձորի թագավորական նստավայր՝ Լոնդոնից 40 կմ հեռու։ Այցի շրջանակում զույգը շփվել է նաև Հարրիի հոր՝ Ուելսի գահաժառանգ արքայազն Չարլզի հետ։
Ընդգծվում է, որ Հարրին ու Մեգանը Վինձորի պալատ են այցելել դեպի Հաագա ճանապարհին, որտեղ պետք է ներկա գտնվեն հաշմանդամություն ձեռք բերած զինվորականների մասնակցությամբ Invictus Games մարզական միջոցառմանը։ Խաղերի հիմնադիրը Հարրին է, ով նման նախաձեռնությամբ էր հանդես եկել Աֆղանստռանում ծառայության ավարտից հետո։ Այժմ նա հանդիսանում մրցումների գործընկերը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
