Արսեն Օհանյանը ազատվել է աշխատանքից

Հուլիսի 16-ին ՀՀ աշխատանքի և սոցիալական հարցերի նախարար Զարուհի Բաթոյանի հրամանով աշխատանքից ազատվել է նախարարության ենթակայությամբ գործող Սոցիալական ապահովության ծառայության պետի տեղակալ Արսեն Օհանյանը։

Տեղեկությունը հաստատել է սոցապ ծառայության գլխավոր քարտուղար Վանիկ Բաբաջանյանը։ Գրեթե մեկ ամիս է, ինչ մամուլը պարբերաբար անդրադառնում էր, որ լարված են ծառայության պետ Սուրեն Ղամբարյանի, նրա տեղակալ Արսեն Օհանյանի, ինչպես նաև ծառայության գլխավոր քարտուղար Վանիկ Բաբաջանյանի հարաբերությունները։