Արցախում պահպանվում է քովիդով վարակելիության բարձր մակարդակը

Արցախի Հանրապետությունում Փետրվարի 17-ի` ժամը 11:00-ի դրությամբ, այս տարվա ընթացքում կատարվել է 6929 թեստավորում, որից հաստատվել է կորոնավիրուսային հիվանդության ընդհանուր 2229 դեպք, մահացել են 24 վարակակիրներ։

Այս մասին տեղեկանում ենք Արցախի առողջապահության նախարարությունից։

Նշվում է, որ վերջին մեկ օրվա ընթացքում Արցախում կատարվել է 427 թեստավորում, որից արձանագրվել է 170 նոր դեպք։ Ստացիոնար բուժում է շարունակում ստանալ 55 պացիենտ։