ՀՀ Արագածոտնի մարզի Աշտարակ քաղաքի Միասնական սոցիալական ծառայության տարածքային կենտրոնի շինարարական աշխատանքներն ընթացքի մեջ են: Այս մասին հայտնել է Սոցիալական պաշտպանության վարչարարության 2-րդ ծրագրի Facebook-ի էջը։
Կենտրոնը, որը սպասարկելու է շուրջ 30 000 շահառուի, նախատեսվում է շահագործման հանձնել 2022 թվականի հոկտեմբերին:
Կենտրոնը մեկ հարկի տակ է միավորելու սոցիալական պաշտպանության ոլորտի բոլոր 4 ծառայությունները՝ մեկ պատուհանի սկզբունքով համայնքի շահառուներին մատուցելով հետևյալ ծառայությունները.
Բժշկասոցիալական փորձաքննության հանձնաժողով (հաշմանդամության կարգեր)
Սոցիալական աջակցության տարածքային գործակալություն (նպաստներ)
Սոցիալական ապահովության տարածքային բաժին (կենսաթոշակ)
Զբաղվածության տարածքային կենտրոն (գործազրկություն):