Ֆրանսիացի գործարարները Փարիզի Աստվածամոր տաճարի վերականգնման համար մոտ կես մլն եվրո տրամադրելու խոստում են տվել:
Ինչպես հայտնի է, նախ` Ֆրանսիացի գործարար Պինոների ընտանիքը 100 մլն եվրո է հատկացրել տաճարի վերականգնման համար: Հայտնի է, որ այդ ընտանիքը տնօրինում է Artemis և Kering ընկերությունները: Հայտնի է, որ միլիարդատեր Ֆրանսուա Անրի Պինոն դերասանուհի Սալմա Հայեքի ամուսինն է:
Ավելի ուշ նվիրատվություն կատարեց նաև Առնոների ընտանիքը: Ֆրանսիական LVMH ընկերության նախագահ Բեռնար Առնոն և նրա ընտանիքը տաճարի վերականգման համար նվիրաբերել են 200 մլն եվրո:
100 մլն եվրո նվիրաբերելու մասին է հայտնել նաև ֆրանսիական Total նավթագազային կորպորացիան:
Բացի այդ` տաճարի ռեստավրացիայի համար հատկացված հիմնադրամին գումարներ կտան նաև Փարիզի և շրջանի իշխանությունները՝ համապատասխանաբար 50 եւ 10 միլիոն եվրո:
Իսկ Եվրախորհրդարանի ղեկավար Անտոնիո Տայանին հայտարարել է, որ Եվրոպական խորհրդարանում կկազմակերպեն դրամահավաք Փարիզի Աստվածամոր տաճարի վերականգնման համար: