Ուկրաինայի արտակարգ իրավիճակների պետական ծառայությունը հայտնել է, որ ժամեր առաջ ռուս զինվորականները մի քանի հարվածներ են հասցրել Ուկրաինայի տարածքում գտնվող քաղաքացիական օբյեկտներին։
Նշվում է, որ երկուշաբթի առավոտյան արկը հարվածել է մայրաքաղաք Կիևի Օբոլոնսկի թաղամասի ինը հարկանի շենքին, տուժել է նաև Ռիվնի հեռուստաաշտարակը։ Տուժածների որոնողական աշխատանքներ են ընթանում։ Առնվազն երկու մարդ զոհվել է, կան վիրավորներ։
Ըստ ուկրաինական լրատվամիջոցների՝ առավոտյան ռուսական կողմը գնդակոծել է նաև Նիկոլաևի շրջանի Սնիգիրևկա քաղաքը։ Որոնողափրկարարական աշխատանքները շարունակվում են։
Նշվում է, որ Ժիտոմիրի շրջանի Ստավիշչե գյուղում մարտի 14-ի գիշերը վարչական շենքերի վրա հրթիռային հարձակման հետևանքով չորս մարդ է տուժել։ Ավերվել է յոթ շենք, տեղում ևս որոնողափրկարարական աշխատանքներ են տարվում:
