«PEES (Էնդեմիկ և վտանգված տեսակների պահպանության) հիմնադրամի, TSE (Դեպի կայուն էկոհամակարգեր) հասարակական կազմակերպության, բազմաթիվ բնապահպանների ու կամավորների կողմից Հովտաշեն գյուղում մաքրված և ազատ արձակված արագիլների ֆիզիկական վիճակն այսօր էապես բարելավվել է: Վերջին երկու շաբաթների ընթացքում նրանք զգալիորեն ավելի բարձր են թռչում և շատ ավելի ակտիվ են»: Այս մասին տեղեկանում ենք PEES-ի ֆեյսբուքյան էջից։
«Ինչպես գիտենք, այս ողջ ընթացքում նրանք կերակրվում էին մարդկանց կողմից: Սա հարկադրված միջոց էր նրանց կյանքը փրկելու համար: Սակայն նրանց հետագա գոյատևման համար անհրաժեշտ է, որ արագիլները կրկին դառնան ինքնուրույն. կեր հայթայթեն և պատրաստվեն չվելու:
Այսպիսով, լվացված արագիլների կերակրումները հետզհետե նվազեցվելու են: Եթե մինչ օրս նրանք կերակրվում էին օրական երկու անգամ, ապա այսուհետ մի քանի օր կերակրվելու են օրական մեկ անգամ, այնուհետև՝ երկու օրը մեկ անգամ և այդպես շարունակ, մինչև լիովին ինքնուրույնություն ձեռք բերելը:
Իհարկե, դրանով արագիլներին ուղղված օգնությունը չի սահմանափակվելու: Նրանք մնալու են բնապահպաների հսկողության տակ, և այն արագիլերի համար, որոնք ձմռանը կմնան Հայաստանում, կրկին կկազմակերպվի կերակրման որևէ միջոց:
Եվ իհարկե, բնապահպանների և կենդանասերների անունից երախտագիտության խոսք ենք ուղղում Հովտաշենի գյուղապետ Սուրեն Մկրտչյանին, ով ակտիվորեն աջակցել է ակցիայի ողջ ընթացքին և մինչ օրս պատրաստակամորեն կերակրել է աղտոտված և հետագայում լվացված արագիլներին»,- նշված է հիմնադրամի ֆեյսբուքյան էջից:
Հիշեցնենք, որ թռչունների աղտոտվածության պատճառը Հովտաշեն համայնքի շրջակայքի ջրային տարածքներում առկա յուղային շերտի առկայությունն էր։
https://www.facebook.com/pees.org/posts/661346477703430?__xts__[0]=68.ARA8pv2ouGBpQ4_BxtcrHiemS_FjdDj0CeP0FDHdMZkkiFdwH-SR8hKlTCpGZQA1p7qalPH-tnctAjq6oM0diwHB4TXQ-IumDws1C5o2R-Xe7FL4l7VQ68MfMBrRfxRkK5G3uS_v8b3D19x9f-sRljI830S6M3I5uXxqM-_-U_0Eih1YT71b_3iuSYnNIbee8HJqou2oi5o5uDMNjwBlr1FFuqdB-JjXC41Imx4w_S-mcXcgBw1AIOtjExH50qMlFYtWJA45mOeZRvHikaDzGwR_y6onizFsXEwl0Sy4yq9ptCC-fE3z5jWiOAxVgxq-Bmyl0NZC6RRYAxHS2TV_aPU&__xts__[1]=68.ARCaA88s40TXJN1Fjiu_bWJ7yyp5XEFT6GWYaKegnZHlg-I5SDvTbLnGxj5qy5MMiU4AQ81O2JWBr3WM3ifg4ZzHc7pGWz68Mv7xcJa0hvgb8Jz-Dy-JMfR9d91Omccisd-xtymNOmuo0ppGzS3_7CprVoK3MqHvNCPkQ_Xl_2S9n7T9M7D4xq-xivXl0ETtMeWiUD_XIcpvmwIaj_dbcbK7GHQ-dViZYxCxIG3qzv6ZlOjWkDEcsqrSUVZayjYIlzQuGuVDTQ_gmVjFf2ZoNUPrr2jSgRU7UEAPYY_VYturfaDMAEURZxElFpM9OBgjexQiLbxo0g3euzGjYfPa_Pk&__tn__=-R
ԽՈՐՀՈւՐԴ Է ՏՐՎՈւՄ ԿԱՐԴԱԼ
