Այսօր՝ ժամը 17:00-ին, մեկնարկում է «Հանուն ժողովրդավարության» գագաթնաժողովը, որին հրավիրված է նաև Հայաստանը։
Գագաթնաժողովը տեղի է ունենալու դեկտեմբերի 9-ից 10-ը։ Այսօր բացման խոսքով հանդես կգա ԱՄՆ նախագահ Ջո Բայդենը։
Սպիտակ տան մամուլի ծառայությունից հայտնում են, որ գագաթնաժողովին մասնակցելու են 100-ից ավել երկրների ներկայացուցիչներ՝ երկրների ղեկավարների, տարբեր պաշտոնյաների, բիզնեսմենների, ՀԿ-ների ու բարեգործական կազմակերպությունների ներկայացուցիչների տեսքով։
Գագաթնաժողովը պետք է խթան հանդիսանա՝ աշխարհում ժողովրդավարական երկրներում հրատապ խնդիրների լուծման համար։