ՀՀ ոստիկանությունը հայտնել է, որ հունվարի 4-ին ոստիկանության Կոտայքի բաժնում հաղորդում էր ստացվել, որ Առինջ գյուղի Ձագավանք փողոցի 1-ին նրբանցքի մի տնից գողացել են չհրկիզվող պահարան:
«Դեպքի վայր մեկնած օպերատիվ-քննչական խմբի ծառայողներին ահազանգողը հաղորդում էր տվել, որ 2021 թ. դեկտեմբերի 30-ի ժամը 19.00-ից 2022 թ. հունվարի 4-ի ժամը 11.00-ն ընկած ժամանակահատվածում 2-րդ հարկի պատուհանը բացել ու մտել են առանձնատուն և ննջարանից գողացել չհրկիզվող պահարան, որի մեջ թանկարժեք իրեր և փող կար:
Նույն օրը հարուցվել էր քրեական գործ։
- Նախկին ՀՅԴ-ականը հրավիրվել է ոստիկանություն՝ վարչապետի հասցեին վիրավորական արտահայտությունների համար
- 22-ամյա երիտասարդը ամուսնության նպատակով 13-ամյա աղջիկ էր փախցրել․ ոստիկանություն
Ոստիկանության Կոտայքի բաժնի ծառայողների ձեռնարկած օպերատիվ-հետախուզական միջոցառումների արդյունքում պարզվեց, որ գողությունն արել է նույն փողոցի 40-ամյա բնակիչը։ Բացատրական աշխատանքի շնորհիվ հունվարի 12-ին նա ներկայացել է ոստիկանության Կոտայքի բաժին, խոստովանել արարքը, ապա ներկայացվել է վարույթն իրականացնող մարմնին:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով»,- ասվում է հաղորդագրության մեջ: