Համացանցում ակտիվ քննարկման առարկա է դարձել հոկտեմբերի 6-ի առավոտյան Հայաստանի օդային տարածքով իրականացված Բաքու-Նախիջևան-Բաքու թռիչքը։
Մանիպուլյատիվ պնդումներ են տարածվում, թե Իրանի կողմից Ադրբեջանի համար օդային տարածքը փակելու հետևանքով են ադրբեջանական ինքնաթիռներն օգտագործում ՀՀ օդային տարածքը։
Մինչդեռ, ըստ աղբյուրների՝ Իրանն արգելել է ադրբեջանական ռազմական ինքնաթիռների թռիչքն իր տարածքով, իսկ քաղաքացիական օդանավերի համար արգելք չկա։
Ավելին, հոկտեմբերի 6-ի առավոտյան ադրբեջանական «Բութա» ավիաընկերության քաղաքացիական օդանավը Իրանի օդային տարածքով Բաքու-Նախիջևան թռիչքն է իրականացրել։
«Փաստերի ստուգման հարթակը» ավելի ուշ հանդես կգա թեմայի վերաբերյալ համապարփակ ուսումնասիրությամբ։
