Բարեփոխումներ ենք իրականացնելու եթերը մաքրելու, վարակազերծելու համար․ Մխիթար Հայրապետյան

Ամենադիտվածներ

ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Մխիթար Հայրապետյանը Facebook-ի թջում գրառում է կատարել։ Մխիթար Հայրապետյանը հայտնում է, որ այսօր շրջանառության մեջ է դրվել օրենքի մի նախագիծ, որի կենսական անհրաժեշտության և կարևորության մասին ինքը շատ է  խոսել վերջին մեկ տարվա ընթացքում:

Նախագիծը «Տեսալսողական մեդիայի մասին» ՀՀ օրենքի և «Լիցենզավորման մասին» ՀՀ օրենքում փոփոխություն կատարելու մասին ՀՀ օրենքների փաթեթի մասին է:

«Ինչպես ԱԺ ամբիոնից քանիցս հայտարարել եմ, սույն օրենքով հեռուստատեսության և ռադիոյի ոլորտում մենք լրջագույն բարեփոխումներ ենք իրականացնելու՝ դրանով նաև վերահաստատելով եթերը մաքրելու, վարակազերծելու մեր կամքն ու պատրաստակամությունը», գրել է ԱԺ մշտական հանձնաժողովի նախագահը:

Հաշվի առնելով այն հանգամանքը, գրել է Մխիթար Հայրապետյանը, որ «օրենսդրական նախաձեռնության վերաբերյալ, վստահաբար, շատ հարցեր կունենաք, ապրիլի 30-ին՝ ժամը 12:00-ին, գործընկերներիս հետ միասին իմ Facebook-ի  էջի ուղիղ հեռարձակմամբ կպատասխանենք ձեզ հետաքրքրող բոլոր հարցերին», – ասված է գրառման մեջ։

https://www.facebook.com/MkhitarHayrapetyanOfficial/posts/946489092482888

Ամենաթարմ