Քրեական ոստիկանության թմրամիջոցների անօրինական շրջանառության դեմ պայքարի վարչության ծառայողները ստացել են թմրավաճառության վերաբերյալ հերթական օպերատիվ տեղեկություն, որն իրացրել են Արաբկիրի քրեական հետախույզների հետ համագործակցելով: Այս մասին հայտնում են ՀՀ ոստիկանությունը։
«Հունիսի 23-ին մայրաքաղաքի Հրաչյա Քոչարի փողոցից «Մերսեդեսով» հանդերձ նրանք բերման են ենթարկել 30 և 33 տարեկան երկու տղամարդու:
Արաբկիրի բաժնում նրանք խուզարկվել են։ Հայտնաբերվել են տարբեր քաշով կոկային, մեթամֆետամին, հերոյին ու գաղտնի փականով դանակ: Օպերատիվ-հետախուզական միջոցառումները շարունակվել են, որոնց արդյունքում պարզվել է նաև, թե նրանք որտեղ և ումից են ձեռք բերել թմրամիջոցները:
- Դանակահարություն Գավառում. 23-ամյա երիտասարդը ներկայացել է ոստիկանություն
- Քաղաքացու ինքնության մասին տեղեկություն ունեցողներին ոստիկանությունը խնդրում է դիմել բաժին (ՏԵՍԱՆՅՈՒԹ)
Թմրամիջոց իրացնողը, որը Երևանում բնակվող 45-ամյա տղամարդ է, ևս հայտնաբերվել է և բերման ենթարկվել բաժին։ Նույն օրը խուզարկություն է կատարվել նրա բնակության վայրում. հայտնաբերվել են 7 գրամից ավելի կոկային և մոտ 90 գրամից ավելի մեթամֆետամին:
Հարուցվել է քրեական գործ: Գնորդները ձերբակալվել են, իրացնողները՝ կալանավորվել:
Նախաքննությամբ հանգամանքները պարզվում են»,- ասվում է հաղորդագրության մեջ: