Ներկայացվել է BMW 2 Series Gran Coupé ավտոարտադրողի նոր սերնդի մոդելը, որի ձևավորումը զգալի փոփոխությունների է ենթարկվել՝ սեդանին առավել սպորտային ուղղվածություն հաղորդելով, գրում է Autocar-ը։
Ինչպես նշում է կայքը, նոր մոդելը սերտորեն առնչվում է վերջերս ներկայացված 1 Series-ին և շարունակում է օգտագործել հեչբեքի առջևի շարժահաղորդի հարթակը, այլ ոչ թե 2 Series Coupé-ի հետևի շարժահաղորդը:
BMW-ի կոմպակտ դասի արտադրանքի կառավարման ղեկավար Բերնհարդ Բլատելը Autocar-ին պատմել է, որ ընկերության հիմնական նպատակն է ձևավորումն առաջ մղելը՝ ավտոմեքենան «առավել սպորտային» դարձնելու նպատակով:
Նոր մոդելի առաջամասի թարմացված ռադիատորի վանդակաճաղը համալրված է LED լուսավորությամբ։ Հետնամասում «2» նուրբ լոգոտիպը հայտնվել է Hofmeister կորությаն վրա: Եվ գնորդներն առաջին անգամ կկարողանան ընտրել ցայտերանգ սնդուսի սև տանիքը:
Ձևավորման թարմացման շնորհիվ 2 Series Gran Coupé մոդելի երկարությունն ավելացել է 20 մմ-ով և հասցվել 4546 մմ-ի, իսկ լայնությունը (1800 մմ) և բարձրությունը (1435 մմ) ավելանում են 15-ական մմ-ով: Այս փոփոխությունը մասամբ կատարվել է ներքին ծավալը մեծացնելու նպատակով:
Ավտոմեքենայի ինտերիերը նույնպես ամբողջությամբ թարմացվել է, նույն դիզայնի փոփոխություններով, որոնք նկատվում են 1 Series-ի վրա: Նորամուծությունների թվում են կոր սենսորային էկրանը՝ նորագույն BMW OS9 ծրագրային ապահովմամբ:
ԽՈՐՀՈւՐԴ Է ՏՐՎՈւՄ ԿԱՐԴԱԼ
