ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի ավագ անդամ, դեմոկրատ Բրեդ Շերմանը ընտրվել է Կոնգրեսի Հայաստանի հարցերով հանձնախմբի փոխնախագահ։ Հանձնախումբը, որի կազմում ընդգրկված են Կոնգրեսի ավելի քան 100 անդամներ, կենտրոնանում է հայ-ամերիկյան հարաբերությունների ամրապնդման և հայկական խնդիրների առաջխաղացման վրա։
«Ինձ համար պատիվ է ծառայել որպես Կոնգրեսի հայկական հանձնախմբի դեմոկրատ փոխնախագահ։ Մոտ երեք տասնամյակ ես նվիրվել եմ Միացյալ Նահանգների և Հայաստանի միջև կապերի ամրապնդմանը, հակահայկական ատելության դեմ պայքարին և ամերիկահայ համայնքի շահերի պաշտպանությանը։ Որպես փոխնախագահ՝ հիմնվելու եմ այս ժառանգության վրա և աշխատելու եմ գործընկերներիս հետ՝ Հայաստանի և նրա ժողովրդի ժողովրդավար, անվտանգ և բարգավաճ ապագայի համար», – հայտարարել է Շերմանը։
Շերմանի ընտրությունը հանձնախմբի փոխնախագահի պաշտոնում ընդգծում է Կոնգրեսում հայկական հարցերի կարևորությունը և ամերիկահայ համայնքի դերի ճանաչումը Միացյալ Նահանգներում։ Հանձնախմբի գործունեությունը շարունակում է նպաստել Հայաստանի և Արցախի խնդիրների ներկայացմանը և ամերիկյան օրակարգում դրանց բարձրաձայնմանը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
