Բրունո Մարսը վերջապես հայտարարեց իր նոր սոլո ալբոմի ավարտի մասին՝ ընդգծելով, որ «ալբոմը պատրաստ է»։ Սա վերջին տասը տարվա ընթացքում նրա առաջին ինքնուրույն աշխատանքն է։
Վերջին տարիներին Մարսը հիմնականում հանդես է եկել որպես համերգընկեր՝ համագործակցելով ճանաչված արտիստների հետ, այդ թվում Lady Gaga-ի և BLACKPINK խմբի Ռոզեի հետ։ Lady Gaga-ի հետ ստեղծված «Die With a Smile» երգը արժանացել է Գրեմի մրցանակի, իսկ «APT.»-ը դարձել է առաջին K-pop ստեղծագործությունը, որը գլխավորել է Billboard-ի Pop Airplay չարթը։
Նոր ալբոմի մասին այլ մանրամասներ՝ թողարկման օր, անվանում կամ երգացանկ, դեռ չեն հրապարակվել։ Այնուամենայնիվ, վերջին համերգները և տարբեր ժանրերի արտիստների հետ համագործակցությունները հիմք են տալիս ենթադրելու, որ ալբոմը կարող է ունենալ բազմազան և կենսուրախ հնչողություն։