Դեկտեմբերի 15-ին Կանադայում ուժի մեջ մտավ քաղաքացիության մասին օրենքի փոփոխությունը՝ «C-3» օրինագիծը, որը տարիներ շարունակ սպասված էր արտասահմանում ծնված կամ որդեգրված կանադացիների համար։ Այս փոփոխությունը վերջ է դնում «առաջին սերնդի սահմանափակմանը», որը նախկինում թույլ չէր տալիս, որ Կանադայի քաղաքացիության իրավունք ունենան նրանք, ովքեր ծնվել կամ որդեգրվել էին արտասահմանում, եթե նրանց ծնողն էլ ծնվել կամ որդեգրվել էր Կանադայից դուրս։ Օրենքի այս դրույթը հազարավոր մարդկանց զրկել էր քաղաքացիությունից, չնայած նրանց կապին Կանադայի հետ։
«C-3» օրինագծով, մինչեւ 2025թ․ դեկտեմբերի 15-ը ծնված կամ որդեգրված այն անձինք, ովքեր քաղաքացիության սահմանափակումների պատճառով չստացան քաղաքացիություն, կարող են դիմել ապացույցի համար։ Հետագայում, յուրաքանչյուր կանադացի ծնող, ով ծնվել կամ որդեգրվել է արտասահմանում, կարող է քաղաքացիություն փոխանցել արտասահմանում ծնված կամ որդեգրված երեխային, եթե ապացուցի, որ երեք տարի ապրել է Կանադայում մինչև երեխայի ծնվելը կամ որդեգրվելը։ Այս մոտեցումը արդարություն է ապահովում, ընդգծում իրական կապը Կանադայի հետ և ավելի հստակ է դարձնում կանոնները արտասահմանում ապրող ընտանիքների համար։
Նոր օրենքը հստակեցում է և արդարության նոր շունչ է բերում «կորսված կանադացիներին» և նրանց ընտանիքներին՝ վերականգնելով նրանց իրավունքները և ընդգծելով, որ քաղաքացիությունն առաջին հերթին պատկանելություն է ու ինքնություն։