Օրերս Չարենցավանի «Կամերտոն» երգչախումբը, ղեկավար Դավիթ Սարգսյանի գլխավորությամբ, ուխտագնացություն էր կազմակերպել դեպի Սևանավանք և Հաղարծին վանական համալիրներ: Ուխտագնացության նպատակն էր հոգևոր երաժշտությունը յուրօրինակ կատարումներով հնչեցնել հայաստանյաց տարբեր եկեղեցիներում ու վանքերում:
Հաղարծին վանական համալիրում երգչախումբը ներկա է գտնվել «Հաղարծնի շաբաթ» հոգևոր-մշակութային ամենամյա փառատոնին ու հանդիպել Տավուշի թեմի առաջնորդ Տեր Բագրատ եպիսկոպոս Գալստանյանին: Վերջինս բարձր է գնահատել երգչախմբի գործունեությունն ու հրավիրել հաջորդ տարի մասնակցելու «Հաղարծնի շաբաթ» հոգևոր-մշակութային ամենամյա փառատոնին:
