Չինաստանի հյուսիսարևելյան նահանգներում բուք է սկսվել և առատ ձյուն տեղացել: Այս մասին հայտնել է The Watchers-ը:
Ձյան առատ տեղումներ գրանցվել են Հեյլունցզյան և Ցզիլին նահանգներում։
Վատ եղանակի պատճառով Հարբինում, Ցզիլինում և այլ քաղաքներում դպրոցներն ու մանկապարտեզները ժամանակավորապես փակվել են։
Հեյլունցզյան նահանգում փակվել են 22 մայրուղիներ, չեղարկվել են չվերթներ։
Ցզիամուսի քաղաքում 42 սմ ձյուն է տեղացել. Հեյլունցզյան շրջաններում ձյան տեղումները հասել են ռեկորդային մակարդակի։
