Մարտաֆիլմերի լեգենդ Չակ Նորիսը հոսպիտալացվել է Հավայան կղզիներում՝ բժշկական անհետաձգելի իրավիճակի պատճառով։ 86-ամյա դերասանը, որը հայտնի է «Ուոքեր, Տեխասի ռեյնջեր» և այլ հայտնի ֆիլմերից, վերջին 24 ժամվա ընթացքում տեղափոխվել է Կաուայի կղզու հիվանդանոցներից մեկը։ Չնայած միջադեպի մասին մանրամասներ դեռ չեն հաղորդվում, սակայն նրան մոտ կանգնած աղբյուրները հայտնում են, որ դերասանը լավ վիճակում է և պահպանում է դրական տրամադրությունը։
Միջադեպը անսպասելի է դարձել երկրպագուների համար, քանի որ ընդամենը օրեր առաջ՝ մարտի 10-ին, Նորիսը նշել էր իր 86-ամյակը՝ սոցիալական ցանցերում տեսանյութ հրապարակելով, որտեղ նա ակտիվորեն մարզվում է մարզիչի հետ։ Այդ հրապարակման մեջ դերասանը շեշտել էր իր առողջության և ֆիզիկական պատրաստվածության մասին՝ նշելով, որ ինքը «ոչ թե ծերանում է, այլ բարձրացնում է իր մակարդակը»։
Չակ Նորիսը, որը կինոարդյունաբերությունում է ավելի քան 58 տարի, վերջին տարիներին հազվադեպ է նկարահանվում, սակայն շարունակում է մասնակցել ընտրված նախագծերի։ 2024 թվականին նա գլխավոր դեր է ստանձնել «Գործակալ Ռեկոն» (Agent Recon) ֆանտաստիկ ֆիլմում, իսկ այս տարի սպասվում է նրա մասնակցությունը «Զոմբի ինքնաթիռ» (Zombie Plane) ֆիլմում։ Ներկայումս դերասանի առողջական վիճակի հետ կապված ավելի մանրամասն տեղեկություններ չեն հաղորդվում։