Մեծ Բրիտանիայում գործող «Կոստա Քոֆի» սրճարանների ցանցը 2024-ին բախվել է իր ամենախոշոր ֆինանսական դժվարություններին։ Ըստ ներկայացված հաշվետվությունների, ընկերության գործառնական կորուստները կրկնապատկվել են՝ հասնելով 13.5 մլն ֆունտի, մինչդեռ 2023-ին այդ ցուցանիշը 5.8 մլն էր։ Այս անկումը պայմանավորված է հիմնականում գնային մրցակցության սաստկացմանով և հաճախորդների թվի նվազմամբ՝ հատկապես համեմատաբար էժան ու նորաձև մրցակիցների՝ Greggs, Pret, Blank Street, Black Sheep Coffee-ի և այլոց ակտիվ գործունեության հետևանքով։
Ընկերության վաճառքները, թեև աճել են 1 տոկոսով՝ հասնելով 1.2 մլրդ ֆունտի, դա բավարար չի եղել ծախսերի աճի ու հաճախորդների պակասի բացը լրացնելու համար։ Բարձրացված աշխատավարձերը, ազգային ապահովագրության վճարները և սուրճի հատիկի գների բարձրացումը նույնպես մեծապես ազդել են «Կոստա Քոֆի»-ի ֆինանսական իրավիճակի վրա։
Սեփականատեր «Կոկա-Կոլա»-ն այժմ փորձում է վաճառել ընկերությունը մոտ 2 մլրդ ֆունտով, սակայն բանակցությունները TDR Capital-ի հետ, որը մասնավոր ներդրումային ընկերություն է, փակուղի են մտել։ Այս ամենը վկայում է, որ «Կոստա Քոֆի»-ն պետք է արագորեն նորացնի իր մոտեցումները՝ մրցակցությանը դիմակայելու և հաճախորդների նախասիրություններին համահունչ զարգանալու համար։