Հարձակվող Մեմֆիս Դեպայը մոտ է «Բարսելոնայից» Մադրիդի «Ատլետիկո» տեղափոխվելուն:
Ինչպես տեղեկացնում է Diario Sport-ը, տրանսֆերը կկայանա մոտակա ժամերին։ Կողմերն այսօր առավոտյան սկզբունքային համաձայնության են եկել։ Մադրիդը կվճարի երեքից հինգ միլիոն եվրո:
Ֆուտբոլիստի հետ պայմանագիրը նախատեսված կլինի մինչև 2025 թվականը։
Հոլանդացին բաց է թողել «բլաուգրանայի» մարզումը` նախապատրաստվելով Իսպանիայի գավաթի Սեուտայի հետ խաղին։ Ենթադրվում է, որ դա տեղի է ունեցել ակումբի թույլտվությամբ։