Եվրախորհրդի ղեկավար Դոնալդ Տուսկը նոյեմբերի 29-ին կայացած կարճատև արարողության ընթացքում իր լիազորությունները հանձնեց իրեն փոխարինողին՝ Բելգիայի դաշնային կառավարության նախկին վարչապետ Շառլ Միշելին:
Եվրախորհրդի նոր նախագահն իր պարտականությունների կատարմանը լիարժեք ձեռնամուխ կլինի դեկտեմբերի 1-ից:
«Խորհրդանշական արարողությունը տեղի է ունեցել Բրյուսելի «Եվրոպա» շենքի շքասրահում, որտեղ կայանում են եվրոպական գագաթնաժողովներն ու խոշոր միջազգային համաժողովները:
Քաղաքական գործիչները միմյանց ձեռք են սեղմել տեսախցիկների առջև, իսկ այնուհետև հեռացել ծառայողական հարկաբաժիններ՝ գործերը փոխանցելու համար: