Չորեքշաբթի օրը ԵՄ անդամ երկրների մշտական ներկայացուցիչները սկզբունքորեն համաձայնել են հինգ միլիարդ եվրո հատկացնել Խաղաղության եվրոպական հիմնադրամին՝ 2024 թվականին Ուկրաինային ռազմական օգնություն տրամադրելու համար, հայտնում է ԵՄ Խորհրդի Բելգիայի նախագահությունը X-ում։
«Համաձայնություն է ձեռք բերվել։ ԵՄ մշտական ներկայացուցիչները սկզբունքորեն համաձայնության են եկել Խաղաղության եվրոպական հիմնադրամի բարեփոխման շուրջ՝ 2024 թվականին Ուկրաինային աջակցությունը 5 միլիարդ եվրոյով ֆինանսավորելու համար», – ասվում է նախագահության հայտարարության մեջ։